Énxet ekmasógwayam agko' aptémakxa
(Sal 53)1 Yának chá'a
méko Dios ma'a
énxet'ák élyeyháxma nak:
apyókxoho chá'a
enaqtawasakpok,
apkeláneykegkek
ma'a nentémakxa
ekmaso agko' nak,
¡méko xama
enxoho apkelane
ektaqmalma aptémakxa!
2 Apkeláneykha chá'a
Wesse' egegkok énxet'ák
ma'a aphakxa nak néten,
yaqwayam enxoho éta',
yetneyk kexa énxet
apya'áseykegkoho aqsok,
apketamso nak chá'a Dios.
3 Apyókxoho eyke
apkelmeheykegkok ma'a
eyesagkexa nak ámay;
apyókxoho apagko'
apnaqtawásamákpok.
¡Méko xama enxoho
apkelane aqsok ektaqmela!
¡Méko xama enxoho!
4 Máxa meyke
apkelya'áseyak aqsok
aptamheykegkok ma'a
élmasagcha'a nak apkeltémakxa,
máxa apteméssessók
énxet'ák ahagkok ma'a
énxet aptól'a pán,
melmaxnagko nak chá'a
m'a Wesse' egegkok.
5 Awanhók agko'
sa' katnehek
apkelpexyennama
apkelyegwakto,
hakte Dios apteme
apkelxegexma'a m'a
énxet'ák apkelyeheykekxoho nak.
6 Kólasmaksek
chá'a kéxegke m'a
apkelmopmenyého
nak chá'a m'a
apkelmopyóseka nak,
eltaqmelcheshok eyke
chá'a Wesse' egegkok ma'a.
7 ¡Émenye' nak
la'a ko'o kawak
nélwagkásamáxche
teyp ma'a Israel,
eñama m'a Sión!
Apyaqmagkassessek sa'
agkok mók Wesse' egegkok
ektémakxa apheykha m'a
énxet'ák apagkok nak,
kalpayhekxak sa'
apkelwáxok ma'a Jacob
aptawán'ák neptámen,
cham'a apyókxoho
énxet'ák nak Israel.
© © Enxet Lengua Sur Bible © Paraguayan Bible Society, 2015.