Neyáwa wátsam Babilonia
1 Negheykha
axta chá'a neyáwa
wátsam Babilonia
néllekxagweykencha'a
ekxeyenma egwáxok
ma'a Sión.
2 Ólchexnagkok
axta chá'a arpa
egagkok ma'a
néten xóxeg,
apkelámha axta m'a
tegma apwányam nak.
3 Axta apkeltémok
chá'a ólmeneykmaksek
yetlo ekpayheykekxa
egwáxok ma'a ektáha
axta sennaqleykekxa
megkatnahakxa negókxa,
sẽlmoma axta negko'o;
¡apkeltémok axta
ólmeneykmássesek
negmeneykmasso
eñama nak Sión!
4 ¡Háxko katnehek
negko'o ólmeneykmaksek
negmeneykmasso
eñama nak
Wesse' egegkok,
megkatnahakxa negókxa!
5 Agkok kaxénak ko'o
ewáxok xép Jerusalén,
¡kémeyk sa' émek
sélya'assamakxa'!
6 ¡Agkok kaxénak
ewáxok xép,
keypetchekxak sa'
epaqpehek ahaxkok,
matnéssesa enxoho
apmonye' exchep Jerusalén,
amonye' m'a
ekpeykeseykekxoho
nak chá'a ewáxok!
7 Wesse',
kaxénwakxoho
apwáxok ma'a edomitas,
aptéyeykmo axta
m'a Jerusalén,
aptéma axta
apkelpaqmeyesma s'e:
“¡Kóltegkes,
kólmasséssem
ekweykmoho apowhók!”
8 ¡Babilonia,
kólmasséssók sa' xép!
¡Apkeleñémo
apteméssesso nak
ekpayhawo etnéssesek
senteméssessamakxa
axta negko'o!
9 ¡Apkeleñémo
énxet apkelma nak
chá'a xép apketchek,
apkelyenhasso nak
chá'a meteymog!
© © Enxet Lengua Sur Bible © Paraguayan Bible Society, 2015.