Wesse' egegkok sempasmo
1 Apkeleñémo exchep
apcháyo nak chá'a
Wesse' egegkok,
tén han
apkelyaheykekxoho
nak chá'a.
2 Etwok sa' chá'a
ekyánmaga aptamheykha,
kapayhekxak sa' apwáxok,
tásek sa' nahan chá'a
katnehek ekteyapma
aqsok apkelane.
3 Máxa anmen yámet
ekxámokma ekyexna
sa' katnehek xép aptáwa'
m'a kañe' apxagkok nak;
máxa olivo éltekteyapma
sa' katnehek kaxmakha
apketchek ma'a
nekha mésa apagkok.
4 Sa' etnéssesek
epasmok Wesse' egegkok
ma'a énxet apcháyo nak chá'a.
5 ¡Epasmok sa' xép
Wesse' egegkok,
cham'a aphamakxa
nak egkexe Sión!
¡Étak sa'
ektaqmeleykekxa
m'a Jerusalén,
yókxoho ekhem
neyseksa apha!
6 ¡Elwethok sa'
ma'a aptawán'ák nak!
¡Keytek sa' chá'a meyke
ektáhakxa negha m'a Israel!
© © Enxet Lengua Sur Bible © Paraguayan Bible Society, 2015.