Wesse' egegkok keleñamak ekyókxoho aqsok
1 Agkok elanak
Wesse' egegkok tegma,
kaqhok eltemeykha
m'a apkeláneyak
nak chá'a tegma;
agkok emyáwak
Wesse' egegkok
ma'a tegma apwányam,
kaqhok elanha m'a
apkelhaxneykha nak chá'a.
2 Kaqhok óghaxchek
nentamheykha tén han
antók nento néghamaxche
nak negwete,
apkelmeyásegko enxoho
chá'a Dios ma'a
apkelásekhayókxa nak,
neyseksa apnaqteyenma.
3 Wesse' egegkok
sempasmo negko'o
segméssama nak
chá'a egketchek.
4 Máxa yágke aktek
apkelmeykhal'a
kempakhakma yáp
ma'a egketchek
negwete nak chá'a
nentáhakxoho egketkok.
5 ¡Apkeleñémo énxet
ekxámokma nak
yágke aktek apagkok,
ektéma nak xa!
Mexók sa' chá'a m'a
apkelenmexma nak,
apkelenmexákxo
enxoho chá'a
nápaqta'awók ma'a
segyekpelchémo nak.
© © Enxet Lengua Sur Bible © Paraguayan Bible Society, 2015.