Dios apkelwagkasso teyp énxet'ák apagkok
1 Kólteme sa' kólpaqmétek se'e Israel:
Axta agkok negko'o
hempasmak Wesse' egegkok,
2 axta agkok negko'o
hempasmak Wesse' egegkok,
cham'a sẽlenmexa axta
negko'o énxet'ák
peya hegketámegma',
3 hensawhohok axta hẽlnápok,
sẽltaqnaweygko apagko'
enxoho negko'o.
4 Hẽlsók axta han ma'a yegmen;
¡hegápekxak axta han
negko'o m'a wátsam!
5 ¡Hẽlweykesagkok
axta hegápekxak
negko'o m'a yegmen
élyaqyahayam élyawe!
6 ¡Tásek sa' chá'a
katnehek apxénamap
Wesse' egegkok,
eñama megyahayo
henteméssesek nekha'a
egketkók hẽltakxagkok
ma'a nélenmexma!
7 Ẽlegketchek
negko'o kelhanma,
ektémól'a náta
kagketek ma'a ektáha
nak aptegye;
kelekkexáxcheyk
ma'a kelhanma,
keñe negko'o
sẽlegketákxo.
8 Wesse' egegkok
chá'a kañék sempasmo,
apkelane nak néten,
tén han keso náxop.
© © Enxet Lengua Sur Bible © Paraguayan Bible Society, 2015.