Nélmaxnagko ekwa'a enxoho ekmaso negha
1 Awónmakha chá'a
ko'o Wesse' egegkok
ekyentaxna enxoho ewáxok,
heyátegmowagkok han chá'a.
2 Wesse',
hewagkas ko'o teyp
nepyeseksa énxet'ák
apkelmopwancha'a amya'a,
cham'a sexéneykha
nak chá'a ekmaso.
3 ¿Háxko sa'
etnéssesek kéxegke
Wesse' egegkok
kélpaqméteykha nak
chá'a ekmaso?
4 ¡Elyátak sa' ma'a
yágke élmahamta
ektémól'a apkelmeykha
kempakhakma yapmeyk!
¡Elyetnak sa' ma'a
átex élyexwáseykekxa
nak élápogwate!
5 ¡Eyóse' nak la'a ko'o
sekha nak Mésec
megkatnahakxa seyókxa,
sekpakxanma nak
nepyeseksa m'a
énxet'ák Quedar!
6 Wegqak agko'
sekha nepyeseksa m'a
apkeltaqnagko nak chá'a
meyke ektáhakxa negha;
7 ¡éltennássek agkok
chá'a ko'o etnehek
meyke ektáhakxa apheykha,
keñe chá'a m'a
elxének kempakhakma!
© © Enxet Lengua Sur Bible © Paraguayan Bible Society, 2015.