Énxet ektaqmalma aptémakxa apkeleñémo
1 ¡Aleluya!
Apkeleñémo énxet
apcháyo nak chá'a
Wesse' egegkok,
ekpeykeseykekxoho
nak chá'a apwáxok
ma'a apkeltémókxa
nak chá'a antéhek.
2 Kóltaqmelchessesek
sa' chá'a apheykha m'a
aptawán'ák neptámen nak
énxet meyke aptémakxa,
apmelyeyha'ak sa' han
etnahagkok keso náxop.
3 Xámok sa'
katnehek aqsok
apagkok ma'a apxagkok,
megkamassegwomek
sa' chá'a aptémakxa
memasma aqsok apagkok.
4 Kalsássesek chá'a
exma cháléwasso
ekyáqtésakxa
exma m'a énxet'ák
meyke nak apkeltémakxa,
tén han ma'a apmopyósa
nak chá'a elanok pók,
tén han ma'a
ektaqmalma nak apkelwáxok,
tén han ma'a ekpéwomo
nak chá'a apkeltémakxa.
5 Tásek sa' chá'a
katnehek apha m'a
énxet apmássáseykha nak
chá'a aqsok apagkok pók
yetlo memyágweykekxa',
tén han aptaqmelchessamo
nak chá'a apxegkesso m'a
aqsok apkexeykekxa';
6 megkasógwomek
sa' chá'a apxega.
¡Kaxének sa' chá'a
kélwáxok ma'a énxet
ekpéwomo nak aptémakxa!
7 Megyekyek ma'a
amya'a ekmaso nak;
kayhek apteme
megkay'ásseyam
apwáxok Wesse' egegkok.
8 Megkatneykha apwáxok;
megyekyek nahan,
megkeyxek chá'a
apkelányo yetlo
apya'ásseyam ma'a
apkelenmexma nak.
9 Emlaskok chá'a
eyeyméxchexa aqsok
ma'a meyke nak
aqsok apagkok,
megkamassegwomek
sa' chá'a aptémakxa
memasma aqsok apagkok,
tásek sa' chá'a
katnehek apxénamap.
10 Elwok chá'a
apwet'a enxoho m'a
ekmaso nak aptémakxa;
eltakxek chá'a apma'ák
eñama apteme mékoho.
Kamassegwók sa'
chá'a m'a aqsok
apmáheyo nak
chá'a elanagkok ma'a
ekmaso nak apkeltémakxa.
© © Enxet Lengua Sur Bible © Paraguayan Bible Society, 2015.