Nehemías apkelyéseykha apkelámha apmonye'e
1 Xama axta ekpenchásamáxko kélxátekháseykekxa kélhaxtegkesso tegma, tén han kélnegkenéyak atña'ák, kélyésáha axta apkeltaqmelchesso átog, tén han ma'a apkelmeneykmassamo nak, tén han levitas. 2 Keñe axta eyáxeg nak ko'o Hananí sekteméssesa apkemha apmonye' m'a Jerusalén, tén han ma'a Hananías apteme axta apkemha apmonye' sẽlpextétamo m'a tegma apyennaqte nak, apteme axta ekha kéláyo, tén han apcháyo apagko' axta m'a Dios, mexnawo nak ma'a nápakha énxet'ák nak. 3 Éltamhók axta chá'a melmeykesek atña'ák Jerusalén megkaw'a enxoho chá'a néten ekhem, tén han séltamho elápegkokxak chá'a apchaqnágweykxo enxoho chá'a apchaqneykegkaxa m'a apkeltaqmelchesso nak tegma, tén han yetchásekxak chá'a m'a yántéseksek ekyennaqtésso nak átog. Élyésáha axta han ko'o yaqwayam etnahagkok apkelhaxneykha, cham'a nepyeseksa nak énxet'ák Jerusalén, yaqwayam enxoho eleyxmakha chá'a, nápakha axta m'a apchaqneykegkaxa apagko' nak, keñe nápakha han ma'a nekha apxanák nak. 4 Apwanhók apagko' axta tegma apwányam, awanhek axta appayhakxa', apqántawok axta eyke énxet apheykha m'a, hakte axta kólnaqxétekháseykegkokxak ma'a tegma.
Apkelweykta makham kélnaqleykekxa axta megkatnahakxa apkelókxa'
(Esd 2.1-70)5 Keñe axta natámen Dios setekkessesa élchetamso ewáxok, yaqwayam wánchásekxak énxet'ák ekha nak kéláyo, tén han apkelámha apmonye'e, tén han ma'a énxet'ák, yaqwayam enxoho kanaqtáxésaxchek apkelwesey ektáha nak chá'a apkelámha apmonye'e apnámakkok. Ekwetákxeyk axta han weykcha'áhak eknaqtáxésamaxche apkelwesey ektáha nak chá'a apkelámha apmonye'e apnámakkok, apkelweykta axta apmonye'e. Axta temék eknaqtáxésamaxche s'e:
6-7 “Keso apkelwesey axta israelitas appalleyam axta m'a Judá, kélnaqleykekxa axta m'a Babilonia, wesse' apwányam Nabucodonosor axta apnaqleykekxa', tén axta apkeltaqhémo makham Jerusalén, tén han ma'a mók yókxexma nak Judá, cham'a apkeleñémekxa axta chá'a, keso apkelámha apmonye'e apagkok axta s'e: Zorobabel, Josué, Nehemías, Azarías, Raamías, Nahamaní, Mardoqueo, Bilsán, Mispéret, Bigvai, Nehúm, tén han Baaná:
8 “Dos mil ciento
setenta y dos axta
apyókxoho m'a Parós axta
aptawán'ák neptámen;
9 trescientos setenta y dos
axta apyókxoho m'a Sefatías
axta aptawán'ák neptámen;
10 seiscientos cincuenta y dos
axta apyókxoho m'a Árah
axta aptawán'ák neptámen;
11 dos mil ochocientos
dieciocho axta aptawán'ák
neptámen ma'a Pahat-moab,
aptawán'ák neptámen axta
han ma'a Josué tén han Joab;
12 mil doscientos cincuenta y
cuatro axta apyókxoho m'a Elam
axta aptawán'ák neptámen;
13 ochocientos cuarenta y
cinco axta apyókxoho m'a
Zatú axta aptawán'ák neptámen;
14 setecientos sesenta
axta apyókxoho m'a Zacai
axta aptawán'ák neptámen;
15 seiscientos cuarenta y ocho
axta apyókxoho m'a Binuy
axta aptawán'ák neptámen;
16 seiscientos veintiocho
axta apyókxoho m'a Bebai
axta aptawán'ák neptámen;
17 dos mil trescientos veintidós
axta apyókxoho m'a Azgad
axta aptawán'ák neptámen;
18 seiscientos sesenta y siete
axta apyókxoho m'a Adonicam
axta aptawán'ák neptámen;
19 dos mil sesenta y siete
axta apyókxoho m'a Bigvai
axta aptawán'ák neptámen;
20 seiscientos cincuenta y cinco
axta apyókxoho m'a Adín
axta aptawán'ák neptámen;
21 noventa y ocho axta
apyókxoho m'a Ater
axta aptawán'ák neptámen,
aptawán'ák neptámen axta
han ma'a Ezequías;
22 trescientos veintiocho
axta apyókxoho m'a Hasum
axta aptawán'ák neptámen;
23 trescientos veinticuatro
axta apyókxoho m'a Besai
axta aptawán'ák neptámen;
24 ciento doce axta
apyókxoho m'a Harif
axta aptawán'ák neptámen;
25 noventa y cinco axta
apyókxoho m'a Gabaón
axta aptawán'ák neptámen;
26 ciento ochenta y ocho
axta apyókxoho m'a
énxet'ák apkeleñama
nak Belén tén han Netofá;
27 ciento veintiocho axta
m'a apkeleñama nak Anatot;
28 cuarenta y dos axta m'a
apkeleñama nak Bet-azmávet;
29 setecientos cuarenta y tres
axta m'a apkeleñama nak
Quiriat-jearim, tén han Quefirá
tén han ma'a Beerot;
30 seiscientos veintiuno
axta m'a apkeleñama nak
Ramá tén han Gueba;
31 ciento veintidós axta m'a
apkeleñama nak Micmás;
32 ciento veintitrés
axta m'a apkeleñama
nak Betel tén han Ai;
33 cincuenta y dos axta m'a
apkeleñama nak Nebo;
34 mil doscientos
cincuenta y cuatro
axta apyókxoho m'a
aptawán'ák neptámen
nak pók Elam,
35 trescientos veinte
axta m'a apkeleñama
nak Harim;
36 trescientos cuarenta y
cinco axta m'a apkeleñama
nak Jericó;
37 setecientos veintiuno
axta m'a apkeleñama nak
Lod, Hadid tén han Onó;
38 tres mil novecientos
treinta axta m'a apkeleñama
nak Senaá,
39 Novecientos setenta y tres
axta apyókxoho m'a
apkelmaxnéssesso nak
Dios énxet'ák apagkok,
Jedaías axta
aptawán'ák neptámen,
Josué axta apnámakkok;
40 mil cincuenta y dos
axta apyókxoho m'a Imer
axta aptawán'ák neptámen;
41 mil doscientos cuarenta
y siete axta apyókxoho m'a
Pashur axta aptawán'ák neptámen;
42 mil diecisiete axta
apyókxoho m'a Harim
axta aptawán'ák neptámen.
43 “Setenta y cuatro axta
apyókxoho m'a levitas,
Josué axta aptawán'ák neptámen,
tén han Cadmiel,
aptawán'ák neptámen
axta han ma'a Hodavías.
44 “Ciento cuarenta y ocho
axta apyókxoho m'a
apkelmeneykmassamo nak,
Asaf axta aptawán'ák neptámen.
45 “Ciento treinta y ocho axta apyókxoho m'a apkeltaqmelchesso nak chá'a átog, Salum axta aptawán'ák neptámen, tén han Ater, Talmón, Acub, Hatitá tén han ma'a Sobai.
46 “Sihá aptawán'ák neptámen axta m'a apkeltamheykha nak chá'a tegma appagkanamap, tén han Hasufá, Tabaot, 47 Queros, Siahá, Padón, 48 Lebaná, Hagabá, Salmai, 49 Hanán, Guidel, Gáhar, 50 Reaías, Resín, Necodá, 51 Gazam, Uzá, Paséah, 52 Besai, Meunim, Nefusim, 53 Bacbuc, Hacufá, Harhur, 54 Baslut, Mehidá, Harsá, 55 Barcós, Sísara, Temá, 56 Nesíah, Hatifá.
57 “Sotai aptawán'ák neptámen axta m'a apkelánesso axta chá'a aqsok Salomón, tén han Soféret, Perudá, 58 Jaalá, Darcón, Guidel, 59 Sefatías, Hatil, Poqueret-hasebaím, tén han ma'a Amón. 60 Trescientos noventa y dos axta apyókxoho m'a apkeltamheykha nak chá'a tegma appagkanamap, tén han aptawán'ák neptámen axta m'a Salomón apkeláneykha.
61 “Keso apwánxa axta apkelwe apkeleñama m'a Tel-mélah, Tel-harsá, Querub, Adón tén han Imer, melya'áseyak axta apteme israelitas essenhan apnámakkok: 62 seiscientos cincuenta y dos axta apyókxoho m'a, cham'a Delaías axta aptawán'ák neptámen, Tobías, tén han Necodá. 63 Keñe axta m'a apkelmaxnéssesso Dios énxet'ák apagkok apnámakkok: cham'a Hobaías axta aptawán'ák neptámen, Cos, tén han Barzilai, apmoma axta xama apketche kelwána m'a Barzilai, apkeñama axta m'a Galaad, apmoma axta han apwesey m'a. 64 Apketamsegkek axta apwesey m'a weykcha'áhak eknaqtáxésamaxchexa axta apkelwesey m'a apnámakkok, axta eyke éteyákxa', tén axta kélmasséssama apteme apkelmaxnéssesso Dios énxet'ák apagkok. 65 Apkeltamhók axta han apkeláneykha nak apchókxa metawagkehek ma'a nento élpagkanamaxche nak, ekwokmoho apwet'a yaqwánxa kólteméssesek ma'a apkelmaxnéssesso nak Dios énxet'ák apagkok, eñama aptawasso m'a Urim tén han Tumim.
66 “Cuarenta y dos mil trescientos sesenta énxet'ák axta apyókxoho, 67 meyke kélyetsáteykekxa m'a apkelásenneykha apkelennay'a, tén han kelwán'ák, siete mil trescientos treinta y siete axta apyókxoho m'a. Yetneyk axta han apkelmeneykmasso apkelennay'a, tén han kelwán'ák, doscientos cuarenta y cinco axta ekyókxoho. 68 Yetneyk axta nahan setecientos treinta y seis yátnáxeg, tén han doscientos cuarenta y cinco élyéheykok, 69 cuatrocientos treinta y cinco yányátnáxeg, keñe seis mil setecientos veinte yámelyeheykok.
70 “Yetneyk axta han pók xama chá'a apkelámha apmonye'e nak aphawóxama, apkelmésagko chá'a aqsok yaqwayam kólxátekhásekxak makham ma'a tegma, keñe axta aptaqmelchesso apchókxa apkelmésa ocho kilos sawo ekyátekto élmomnáwa, yaqwayam kólxatmok ma'a kélxátamakxa nak chá'a aqsok élmomnáwa, cincuenta egheykok axta, quinientos treinta apáwa apkelwenaqte apkelántaxneykekxoho nak chá'a apkelmaxnéssesso Dios énxet'ák apagkok. 71 Keñe axta m'a apkelámha apmonye'e nak chá'a apnámakkok, apkelmésa chá'a ciento sesenta kilos ma'a sawo ekyátekto élmomnáwa, tén han mil doscientos diez kilos ma'a sawo ekmope élmomnáwa, yaqwayam kólxatmok ma'a kélxátamakxa nak chá'a aqsok élmomnáwa, yaqwayam kólmaha apkelánamap tegma; 72 tén han ma'a nápakha énxet'ák apkeleymomap nak, apkelmésa chá'a ciento sesenta kilos ma'a sawo ekyátekto ekmomnáwa, tén han mil cien kilos ma'a sawo ekmope élmomnáwa, tén han sesenta y siete m'a apáwa apkelwenaqte apkelmeykegko nak chá'a apkelmaxnéssesso Dios énxet'ák apagkok.
73 “Keñe axta apkelmaxnéssesso Dios énxet'ák apagkok, tén han levitas, tén han ma'a apkeltaqmelchesso nak átog, keñe han ma'a apkelmeneykmasso nak chá'a, tén han ma'a énxet'ák, tén han ma'a apkeltamheykha nak chá'a tegma appagkanamap, tén han ma'a ekyókxoho nak kañe' Israel, apkelhákxo makham ma'a nanók apheykegkaxa axta.”
Segánamakxa élyetsátamáxche nepyeseksa énxet'ák
Xama axta ekwokmo siete pelten, appenchásegkek axta apkeláneyak apheykha israelitas.
© © Enxet Lengua Sur Bible © Paraguayan Bible Society, 2015.