Job
1-2 ¡Mepasmók apagko' xép
ma'a énxet apyelqamap nak,
melwagkassók teyp ma'a
meyke nak apkelyennaqte!
3 ¡Apkenagkamchek xép
ey'ásegkok ektémakxa
nempaqhetcháseykha egmók
tén han nélxekmósso m'a
mey'áseyak nak aqsok!
4 ¿Yaqsa éltémo
etnehek xép appeywa
xa ektáha nak?
¿Yaqsa ekteméssesso
exchep yaqwayam etnehek
appeywa xa ektáha nak?
Bildad
5 Apkelpexyennamomchek
apkelaye kañók agko'
wátsam ekwányam
ma'a apkeletsapma,
apheykencha'a nak kañe'
wátsam ekmattawóneg.
6 Yáxñakxoho
temék apkelányo
Dios ma'a takhaxpop,
apkelmaheykegkaxa
nak apkeletsapma.
7 Appeykessegkek
axta néten Dios meykexa
axta makham aqsok,
apkexanmeyk axta xapop
meykexa aqsok.
8 Appekkenmeyk axta
yegmen ma'a neyseksa yaphope,
meyke ekpaqxo m'a yaphope
eñama ekyentaxno;
9 emasseksek chá'a
apchápogwate pelten
yáhakkasek yaphope;
10 appekkenmeyk axta
néxa wátsam ekwányam
apkexpánchessama élseyéxma
tén han ekyáqtésso exma.
11 Aplókek agkok Dios,
kalpexyennók chá'a
eyeye m'a egkexe
élméyak nak néten.
12 Apyennaqte keñamak
apwanmeyáseykekxo
wátsam ekwányam;
apmopwána aqsok
keñamak apchaqhama m'a
yegmen askok eklo,
cham'a Rahab.
13 Apwátekhapma keñamak
apcháxñáseykekxo néten;
apchaqhe apagko'
aptemék ma'a yéwa
ketók ekxegáneykenxa nak.
14 Cháxa nekha nak
aqsok apkelane xa;
segyexcháseykha aqsa
chá'a m'a nenlegaya nak.
¿Yaqsa awanchek
kay'asagkohok ma'a
éxtegyawà apagkok
ekyennaqte nak?
© © Enxet Lengua Sur Bible © Paraguayan Bible Society, 2015.