1 ¿Yaqsa ektáha
mepekkena nak
ekwánxa ekhem
Dios yaqwayam
elyekpelkohok énxet'ák?
Yaqwayam enxoho
elwetak ma'a
apkelxegexma'a nak.
2 Yaqxegkesagkohok
chá'a néxa xapop
apagkok ma'a
élmasagcha'a
nak apkeltémakxa',
elmenyexek han chá'a
nepkések yaqwayam
exámasagkok ma'a
nepkések apnaqtósso,
3 elyementamok chá'a
aqsok eknaqtósso
m'a élyeheykha,
keñe han ma'a xentampe'e.
4 Elyetnakhaksek chá'a
énxet'ák meyke aqsok
apagkok ma'a ámay apagkok,
keñe m'a énxet'ák
apkelmopyóseka nak
elyexanmok chá'a.
5 Máxa yámelyeheykok
nawha'ák élleykha
nak meykexa énxet
aptamheykegkok
aptegyeykegko aptéyak
ma'a meyke nak aqsok apagkok,
cha'a éleñamakxa han chá'a
apwetasso ektéyak ma'a apketchek.
6 Elmahagkok chá'a
etegyagkok aqsok
kélcheneykekxa m'a
pók énxet apkelchekha,
elmahagkok chá'a
etegyagkok anmen
yámet ekyexna m'a
apkeneykekxexa nak
anmen yámet ma'a
élmasagcha'a nak
apkeltémakxa.
7 Enaqtének chá'a axta'a
meyke apkelaqlamap,
meyke apkenchesso
nak apmopsamáge.
8 Kalyássesek chá'a
yegmen élpexyaweykenta
nak meteymog élekhahéyak,
elyepetchegwók chá'a
meteymog etegyagkok
apkelyexanmomakxa'.
9 Kólyementamagkok chá'a
étchek kaxwe appalleyam
ma'a xentampe'e nak,
keñe m'a meyke nak
aqsok apagkok,
kólyementamok chá'a
apketchek ekyánmaga
aqsok kélmassáseykha.
10 Meyke aptaxno
chá'a eweynchamha
meyke nak aqsok apagkok,
meyk agko' nahan chá'a
katnehek neyseksa
apnakxo hótáhap apaktek.
11 Elyeykesek chá'a
meteymog aqsok
ektekxekxo yaqwayam
etekkesek pexmok égmenek;
elteyammok nahan chá'a
anmen yámet ekyexna
yaqwayam elának vino
hem agko' nahan
chá'a katnehek
neyseksa apkelteyáyam.
12 Ellekxámog chá'a
ketók apkeletsapmakxa
nak ma'a tegma apwányam,
elápentegmakha chá'a,
meñék eyke Dios
ma'a apkelmaxneyéyak.
13 Yetneyk énxet
aptaqnagko nak élseyéxma,
étnakhaksek chá'a m'a
ekyókxoho ámay apagkok nak.
14 Amonye' élseye
chá'a exatakhak ma'a
ekyetno nak apyógkexma,
yaqwayam yaqhek ma'a énxet
meyke nak aqsok apagkok,
keñe axta'a etnekxak
chá'a apmenyexma.
15 Eleyxek chá'a
kayáqtések ma'a énxet
aptawáseykegkoho nak
aptáwa' apkelane mók,
yáhakkasek chá'a nápat
katnehek kalchetmok
apwáxok se'e:
“Méko sa' hékpelkoho'.”
16 Axta'a chá'a
elántexek tegma m'a
apkelmenyexma nak.
Melántépek chá'a
apyókxoho m'a ekhem;
hakte mopmenyeyk élseyéxma.
17 Ekyentaxno ekyáqtésso
aptemessáseykekxak
apkelányo m'a ekhem
éltátchesso nak;
megkalyegwakkasek
axta'a m'a aqsok
segyegwakkassamo nak.
Sofar
18 Kelsamchek yegmen
ma'a élmasagcha'a
nak apkeltémakxa.
Ektaqnómaxche'
aptemessáseykekxak
Dios ma'a xapop apagkok nak,
méko kaxwók katneykha m'a
apkeneykekxexa nak anmen yámet.
19 Elpayhekxak
chá'a yeyam appok
ekmexanmakxal'a exma,
tén han ektémakxal'a
meyke yegmen;
keñe takhaxpop
emassegwók chá'a m'a
mey'assáxma nak.
20 Kalwánaqmak sa' han
ma'a egken agko' nak;
yápa apketkók sa' etwok,
méko sa' han kaxénwakxohok
chá'a awáxok ma'a.
Máxa yámet kélyaqtónma
sa' etnehek eyaqnenek ma'a
ekmaso nak aptémakxa.
21 Meltaqmelchesek
axta chá'a m'a kelán'ák
megkalwete nak étchek,
tén han ma'a xentampe'e nak;
axta epasmók xama enxoho.
22 Elyaqnegkeshok
eyke chá'a Dios
yetlo apyennaqtésso
apyempehek ma'a
apkelyennaqte nak;
apkelanak agkok chá'a aqsok,
méko kawagkasaxchek teyp.
23 Apchahayók eyke
aqsa chá'a Dios
eweynchamha yetlo
meyke ektáhakxa,
apkeláneykha eyke
chá'a m'a ektémakxa
apkelweynchámeykha.
24 Yaqwatakxoho
chá'a etnehek néten
ma'a ekmaso
nak aptémakxa,
yahamok eyke emassegwók.
Máxa pa'at kélpátekkesso
ekyamaye etnehek,
máxa hótáhap apyexna
kélyaqténma etnehek.
25 Agkok katnahak xa,
¿Yaqsa awanchek
katnéssesek megkatnaha
naqsók aqsok sekxeyenma,
tén han kaxekmósek
magwaqhawo sektáhakxa?
© © Enxet Lengua Sur Bible © Paraguayan Bible Society, 2015.