Israel kélyetcháseykekxoho anmen yámet eyaqhémo nak katnamok
1 Epaqhetchessek axta ko'o Wesse' egegkok, aptáhak axta seyáneya s'e:
2 “¿Táseya éseksek ma'a
anmen yámet axchapok?
¿Yagkaxnawok ma'a
mók yámet élyawe
élámha nak naxma?
3 Méko xama aqsok kalanaxchek
ma'a éseksek nak,
¡mogwanchek anlának
xama enxoho m'a
nélmakheyáseykegkaxa aqsok!
4 Yántápak aqsa
egwanchek anteméssesek.
Kélwatneyk agkok táxa
m'a naw'ék nak
keytlók ekmeyesma m'a kañe'
ekyagqaxe awáxok nak,
¿yaqsa eyke egwanchek antéhek xa?
5 Megkólmaha axta nahan
chá'a m'a émhakxa axta,
¡yágwokmók aqsa
kaxwók megkólmeykha
yaqwayam kalanaxchek
xama aqsok se'e ekmeta nak!
6 “Cháxa keñamak sektáha nak
ko'o sekpeywa s'e,
sektáha nak Wesse':
Sa' atnéssesek ko'o xa akxák
neyseksa táxa énxet'ák
apheykha nak Jerusalén ma'a
ektémól'a kólchexák nátex ma'a
anmen yámet axchakkok,
yaqwayam enxoho kalmétek.
7 Sélenmexma sa' ko'o atnehek xa
énxet'ák nak.
Elmallánek sa' ma'a xama táxa,
keñe sa' ma'a mók táxa nak
kalwatnek.
Ekxénchek sa' agkok ko'o
sektáha sélenmexma m'a,
kólya'ásegwók sa' kéxegke
sektáha ko'o Wesse'.
8 Meyke xama aqsok sa'
atnessásekxak ma'a
apkelókxa nak,
eñama seyenseyam sétleykha.
Ko'o sekxeyenma xa,
sektáha nak Wesse'.”
© © Enxet Lengua Sur Bible © Paraguayan Bible Society, 2015.