1 Cháxa ektémakxa axta eknaqtáxésamaxko apkelwesey apyókxoho énxet'ák Israel ma'a weykcha'áhak apagkok axta m'a apkelwesse'e apkelwányam axta m'a Israel.
Énxet'ák apkelweykekxa makham apkelenyékta Babilonia
(Neh 11.1-24)Apkeltémakxa élmasagcha'a axta keñamak kélántekkessama apkelókxa énxet'ák Judá kélya'assama m'a Babilonia.
2 Israelitas axta han apkelweykekxa apmonye'e apkelheykekxa m'a nanók xapop apagkok axta, tén han ma'a tegma apkelyawe apagkok axta, yetlo m'a apkelmaxnéssesso Dios énxet'ák apagkok, levitas tén han ma'a ektáha axta chá'a apkeltamheykha m'a tegma appagkanamap. 3 Judá aptawán'ák neptámen axta apkelheykekxak ma'a Jerusalén, tén han Benjamín, Efraín tén han Manasés.
4 Judá aptawán'ák neptámen axta s'e: Utai, apketche axta Amihub, Omrí axta apketche, cham'a Omrí, Imrí axta apketche, cham'a Imrí, Baní axta apketche. Fares axta aptawán'ák neptámen, Judá axta apketche. 5 Keso silonitas axta s'e: Asaías, apteme axta átnaha apketkok apketche. 6 Zérah axta aptawán'ák neptámen se'e: Jehuel yetlo apteme apnámakkok, seiscientos noventa axta apyókxoho.
7 Benjamín axta aptawán'ák neptámen se'e: Salú, Mesulam axta apketche, cham'a Mesulam, Hodavías axta apketche, cham'a Hodavías, Senúa axta apketche; 8 Ibneías, Jeroham axta apketche; Elá, Uzí axta apketche, cham'a Uzí, Micrí axta apketche; Mesulam, Sefatías axta apketche, cham'a Sefatías, Reuel axta apketche, cham'a Reuel, Ibnías axta apketche. 9 Novecientos cincuenta y seis axta apyókxoho apnámakkok, cham'a apweykenxa axta chá'a aptépéyak aptawán'ák, apyókxoho axta chá'a aptamhéyak apkelámha apmonye'e nepyeseksa aphawóxama xa.
10 Keso apkelmaxnéssesso Dios énxet'ák apagkok axta s'e: Jedaías, Joiarib, Jaquín, 11 Azarías, apketche axta Hilquías, cham'a Hilquías, Mesulam axta apketche, cham'a Mesulam, Sadoc axta apketche, cham'a Sadoc, Meraiot axta apketche, cham'a Meraiot, Ahitub axta apketche, apkemha apmonye' axta m'a Dios apxagkok nak; 12 Adaías, Jeroham axta apketche, cham'a Jeroham, Pashur axta apketche, cham'a Pashur, Malquías axta apketche; Masai, Adiel axta apketche, cham'a Adiel, Jahzera axta apketche, cham'a Jahzerra, Mesulam axta apketche, cham'a Mesulam, Mesilemit axta apketche, cham'a Mesilemit, Imer axta apketche; 13 mil setecientos sesenta axta han apyókxoho m'a apnámakkok, apkelámha apmonye'e axta m'a nepyeseksa aphawóxama, apwancha'ak axta han apkeltamheykha m'a kañe' nak Dios apxagkok.
14 Keso levitas axta s'e: Semaías, Hasub axta apketche, cham'a Hasub, Azricam axta apketche, cham'a Azricam, Hasabías axta apketche, Merarí axta apnámakkok; 15 Bacbacar, Heres, Galal tén han Matanías, Micaías axta apketche, cham'a Micaías, Zicrí axta apketche, cham'a Zicrí, Asaf axta apketche; 16 Abdías, Semaías axta apketche, cham'a Semaías, Galal axta apketche, cham'a Galal, Jedutún axta apketche; Berequías, Asá axta apketche, cham'a Asá, Elcaná axta apketche, aphama axta m'a tegma apketkók apagkok axta m'a netofatitas.
17 Énxet'ák apkeltaqmelchesso átog: Salum, Acub, Talmón, Ahimán. Salum axta han apkemha apmonye', apyáxeg axta xa énxet'ák nak, 18 weykmók makham aptaqmelchesso wesse' apwányam átog apagkok se'e negwánxa nak, ekyetnama nak ma'a ekteyapmakxa ekhem. Cháxa aptamhéyak axta apkeltaqmelchesso átog xa énxet'ák nak, apkelpakxeneykegkaxa axta m'a levitas.
19 Salum, Coré axta apketche, cham'a Coré, Ebiasaf axta apketche, cham'a Ebiasaf, Coré axta apketche, keñe han ma'a apnámakkok coreítas, axta apkelánémap etaqmelchesek ma'a nentaxnamakxa nak tegma appagkanamap, aptamheykegko axta m'a apyapmeyk nano', aptaqmelchessama axta m'a nentaxnamakxa nak Wesse' egegkok appakxanma.
20 Finees axta han apkemha apmonye' apagkok xa énxet'ák nak, Eleazar axta apketche, cham'a sekxók axta. ¡Wesse' egegkok sa' etnehek apxegexma!
21 Zacarías axta aptaqmelchesso m'a átog kélpakxanma apchaqneykekxexa nak chá'a énxet'ák, cham'a Meselemías axta apketche.
22 Doscientos doce axta apyókxoho énxet'ák kélyéseykha ektáha aptaqmelchesso m'a átog nak, cham'a ekweykenxa axta eknaqtáxésamaxche apkelwesey m'a aphawóxama apheykegkaxa axta. Axta han apkelméseyak yaqwayam etnahagkok apkeltamheykha m'a David tén han Samuel, apwetayo axta chá'a aqsok apxekmósso Dios, hakte apkeláyók axta han ma'a. 23 Elyaqmagkasakpok axta chá'a apkeltamheykha xa énxet'ák nak ekweykekxoho aptawán'ák, yaqwayam etaqmelchesek ma'a nentaxnamakxa nak Wesse' egegkok apxagkok, cham'a tegma appagkanamap nak. 24 Yetneyk axta apkeltaqmelchesso átog ma'a ekyókxoho nekhaw'ék nak: ekteyapmakxa ekhem tén han taxnegwánxa ekhem, nexcheyha tén han nepyeyam. 25 Elyo'ótamhok axta han chá'a epásegwaták elyaqmagkasek apkeltamheykha ekweykmoho siete ekhem ma'a apnámakkok apheykha axta m'a neyáwa', cham'a tegma apketkók nak. 26 Keñe m'a cuatro apkelámha apmonye'e apkeltaqmelchesso nak átog, cham'a levitas, apchaqneykha axta aqsa chá'a apkeltaqmelchessama meyke néxa', apkeláneykencha'a m'a kañe' tegma, tén han ma'a aqsok élmomnáwa ekhéyak axta Dios apxagkok. 27 Elmallánekxak axta chá'a axta'a apchaqneykha m'a nápakhaw'ék nak tegma appagkanamap, apkelánémakpek axta etaqmelchesek ma'a, tén han elmeykásegkokxak chá'a atña'ák yókxoho axto'o. 28 Nápakha axta chá'a apkeltaqmelchesso m'a aqsok kélmeykha nak chá'a kólpeykeshok ma'a Dios, axta apkelhaxyawasso chá'a tén han apxatmeykekxa chá'a, elyetsátekxohok axta han chá'a ekwánxa. 29 Nápakha axta han apkeltaqmelchesso m'a nekha nak aqsok kélmeykha, tén han ma'a aqsok élpagkanamaxche nak, tén han ma'a hótáhap, vino, pexmok égmenek, aqsok ekmátsa nak ekpaqneyam éten agkok, keñe han ma'a pánaqte ekmátsa nak ekpaqneyam. 30 Nápakha apkelmaxnéssesso Dios énxet'ák apagkok axta chá'a apkencheheykekxa mók ma'a pánaqte ekmátsa nak ekpaqneyam; 31 keñe axta xama levita apwesey axta Matatías, átnaha apketkok apketche axta m'a Salum, apteme axta coreíta, wánxa axta aqsa apchánémap chá'a elának ma'a hótáhap kélyaqyesso yaqwayam kólmések ma'a Dios. 32 Keñe axta nápakha apteme apnámakkok quehatitas axta apkeláneykekxa m'a pán apkelpagkanamap, kéleykáseykekxoho axta chá'a aphéyak yókxoho sábado. 33 Yetneyk axta han énxet'ák apkelmeneykmassamo axta, apkelámha apmonye'e apnámakkok ma'a levitas, apheykencha'a axta chá'a m'a kañe' tegma appagkanamap, meyke mók aqsok apkelánéyak, hakte yókxoho ekhem axta chá'a apkeltamheykha tén han yókxoho axta'a.
34 Cháxa aptamhéyak axta apkelámha apmonye'e apnámakkok ma'a levitas, ektáha axta chá'a aptawán'ák, apheykencha'a axta m'a Jerusalén.
Saúl aphawóxama
(1 Cr 8.29-40)35 Axta aphak Jehiel ma'a tegma apwányam nak Gabaón, Gabaón axta apyáp. Maacá axta ekwesey aptáwa'. 36 Keso apketchek axta s'e: Abdón, apteme axta átnaha apketkok; Sur, Quis, Baal, Ner, Nadab, 37 Guedor, Ahió, Zacarías tén han Miclot, 38 Simam axta apyáp. Temegkek axta m'a ektémakxa axta apheykha m'a apkelpepma, apheykha axta xamo' ma'a Jerusalén.
39 Quis axta apyáp ma'a Ner, Saúl axta apyáp ma'a Quis, keñe Jonatán apyáp ma'a Saúl, tén han ma'a Malquisúa, Abinadab tén han Es-baal. 40 Jonatán axta apketche m'a Merib-baal, apyáp axta m'a Micaías. 41 Micaías axta apketchek se'e: Pitón, Mélec, Tarea tén han Ahaz. 42 Jará axta apyáp ma'a Ahaz, keñe axta Alémet apyáp ma'a Jará, Azmávet tén han Zimrí; Mosá axta apyáp ma'a Zimrí, 43 keñe axta Biná apyáp ma'a Mosá, apyáp axta m'a Refaías, cham'a apyáp axta Elasá, cham'a Elasá, apyáp axta m'a Asel.
44 Seis axta apyókxoho apketchek Asel, keso apkelwesey axta s'e: Azricam, Bocrú, Ismael, Searías, Abdías tén han Hanán. Cháxa Asel axta apketchek xa.
© © Enxet Lengua Sur Bible © Paraguayan Bible Society, 2015.