Isacar aptawán'ák neptámen
1 Cuatro axta apyókxoho Isacar apketchek: Tolá, Puvá, Jasub tén han Simrón.
2 Tolá axta apketchek se'e: Uzí, Refaías, Jeriel, Jahmai, Ibsam tén han Samuel, apkelámha apmonye'e apagkok axta m'a Tolá aphawóxama, tén han kempakhakma yapmeyk apkelyennaqte. Veintidós mil seiscientos axta apweykmok aptawán'ák neptámen, aphamakxa axta m'a David.
3 Uzí axta apketche m'a Israhías. Keso apketchek axta Israhías se'e: Micael, Abdías, Joel tén han Isías. Cinco axta apyókxoho apkelámha apmonye'e. 4 Apxámokmeyk axta han apnámakkok apkelennay'a aptamheykegko axta sẽlpextétamo apmopwancha'a apkelempakhe, hakte xámok axta apnaqteyegka'a tén han apketchek, treinta y seis mil axta apweykmok apyókxoho.
5 Kélyetsáteykekxeyk axta apwánxa Isacar apnámakkok, cham'a ekwánxa axta kélnaqtáxéseyak apkelwesey, ochenta y siete mil axta apweykmok apkelennay'a, kempakhakma yapmeyk apkelyennaqte axta han xa apyókxoho nak.
Benjamín aptawán'ák neptámen
6 Apqántánxo axta apketchek ma'a Benjamín: Bela, Béquer tén han Jediael.
7 Cinco axta apyókxoho apketchek ma'a Bela: Esbón, Uzí, Uziel, Jerimot tén han Irí, apyókxoho axta aptamhéyak apkelámha apmonye'e m'a nepyeseksa nak aphawóxama, keñe han kempakhakma yapmeyk apkelyennaqte. Veintidós mil treinta y cuatro énxet axta apweykmok, cham'a ekweykenxa axta kélyetsáteykekxa apnámakkok.
8 Béquer axta apketchek se'e: Zemirá, Joás, Eliézer, Elioenai, Omrí, Jerimot, Abías, Anatot tén han Alémet. Béquer axta apketchek xa apyókxoho nak, 9 Veinte mil doscientos énxet apkelyennaqte axta apweykmok apyókxoho, cham'a ekweykenxa axta kélyetsáteykekxa aptawán'ák neptámen, tén han apkelámha apmonye'e nepyeseksa aphawóxama.
10 Jediael axta apketche m'a Bilhán. Bilhán axta apketchek se'e: Jeús, Benjamín, Ehud, Quenaaná, Zetán, Tarsis tén han Ahisáhar. 11 Jediael axta aptawán'ák neptámen se'e apyókxoho nak, apkelámha apmonye' axta nepyeseksa aphawóxama, tén han kempakhakma yapmeyk apkelyennaqte, apmopwancha'a yempakha'. Diecisiete mil doscientos axta apweykmok apkelennay'a.
12 Ir axta apketchek se'e: Sufam tén han Hufam. Aher axta apketche m'a Husim.
Neftalí aptawán'ák neptámen
13 Neftalí axta apketchek se'e: Jahseel, Guní, Jéser tén han Salum. Bilhá axta atawán'ák natámen xa.
Manasés aptawán'ák neptámen
14 Keso Manasés axta apketchek, ekwetasso axta m'a kelán'a apmeykha naqsa eñama axta Siria: Asriel tén han Maquir, Galaad axta apyáp. 15 Apmomchek axta Maquir ma'a Maacá, kelán'a eñama axta nepyeseksa m'a Hufam apnámakkok tén han Sufam. Selofhad axta apwesey aptáhakxa axta apqánet apwete apketche m'a Maquir, cham'a apweteya axta apketchek élánamáxkoho kelwán'ák. 16 Wetayak axta xama étche apkenna' m'a Maacá, aptáwa' axta Maquir, keñe ekteméssessama apwesey Peres. Seres axta apwesey apyáxeg ma'a Peres, keñe axta apketchek apkelwesey Ulam tén han Réquem. 17 Ulam axta apketche m'a Bedán. Cháxa Galaad axta apketchek xa, Maquir axta apketche, cham'a Maquir Manasés axta apketche.
18 Axta egken Is-hod, Abiézer tén han Mahlá m'a Hamoléquet, Maquir axta apyáxeg.
19 Semidá axta apketchek se'e: Ahián, Siquem, Liquehí tén han Aniam.
Efraín aptawán'ák neptámen
20-21 Keso Efraín axta aptawán'ák neptámen apkelánamákpoho s'e: Sutélah, Béred, Táhat, Eladá, Táhat, Zabad, Sutélah. Keñe m'a Éser tén han Elad, pók apketchek axta m'a Efraín, aptekyawomchek axta, axta apkelnapmak ma'a apheykha nak yókxexma Gat, hakte apkelya'áyekmek axta apmáheyo eykhe elyementók ma'a aqsok apnaqtósso. 22 Ahóxek axta han élapwayam ma'a apyáp Efraín, apkelya'eykekteyk axta apnámakkok apmáheyo epeykessesseták apwáxok. 23 Tén axta natámen appatheteykegkokxo makham aptáwa', lósók axta tamheykekxak makham, wetákxeyk axta makham xama étche apkenna', teméssessek axta apwesey Beriá, hakte yetnegkek axta ekmaso m'a axagkok nak.
24 Xátekhassegkek axta Bet-horón apyetno nak kóneg ma'a Seerá, Beriá axta apketche kelwána, tén han Bet-horón apyetno nak néten, tén han ma'a Uzén-seerá.
25-27 Keso Beriá axta aptawán'ák neptámen apkelánamákpoho s'e: Réfah, Résef, Télah, Tahán, Ladán, Amihud, Elisamá, Nun tén han Josué. 28 Tén axta xapop apagkok tén han apheykegkaxa m'a Betel; Naarán, ekpayho nak ekteyapmakxa ekhem; Guézer, ekpayho nak ektaxnegwánxa ekhem; tén han Siquem, ekweykekxoho m'a Ayah; apyókxoho xa tegma apkelyawe nak yetlo tegma apketkók apagkok. 29 Keñe axta Manasés aptawán'ák neptámen apagkok ma'a Bet-seán, Taanac, Meguido tén han Dor, yetlo m'a tegma apketkók apagkok. Cháxa yókxexma nak apheykegkaxa axta m'a José aptawán'ák neptámen, Israel axta apketche.
Aser aptawán'ák neptámen
30 Aser axta apketchek se'e: Imná, Isvá, Isví, Beriá tén han Sérah, apyáxeg kelwána axta xa énxet'ák nak.
31 Bería axta apketchek se'e: Héber tén han Malquiel, apyáp axta m'a Birzávit. 32 Héber axta apketchek se'e: Jaflet, Sémer, Hotam tén han Suhá, apyáxeg kelwána axta xa énxet'ák nak.
33 Jaflet axta apketchek se'e: Pasac, Bimhal tén han Asvat.
34 Sémer axta apketchek se'e, apyáxeg axta: Rohgá, Jehubá tén han Aram.
35 Hotam axta apketchek se'e, apyáxeg axta: Sofah, Imná, Seles tén han Amal. 36 Sofah axta apketchek se'e: Súah, Harnéfer, Súal, Berí, Imrá, 37 Béser, Hod, Samá, Silsá, Itrán tén han Beerá.
38 Jéter axta apketchek se'e: Jefuné, Pispá tén han Ará. 39 Ulá axta apketchek se'e: Árah, Haniel tén han Risiá.
40 Aser axta aptawán'ák neptámen xa apyókxoho nak. Aptamhéyak axta apkelámha apmonye'e nepyeseksa apnámakkok, tén han sẽlpextétamo apkelyennaqte apagko', tén han énxet'ák ekha kéláyo. Veintiséis mil énxet axta apyókxoho ekheykegko axta eknaqtáxésamaxche apkelwesey apnámakkok, apmopwancha'a nak elempakha'.
© © Enxet Lengua Sur Bible © Paraguayan Bible Society, 2015.